ORANJESTAD, Aruba

 

Artista Arubiano Jonathan Bryan Thiel mihor conoci cu e nomber artistisco Jeon.

Ta marcando historia un biaha mas pa Aruba.

Jeon desde mucha a siña toca diferente instrumento y di chiquito e tabatin un pasion incondicional pa musica. Di chiquito e la envolvi su mes cu projectonan musical manera Voz-i-Landia.. Y cresiendo den e mundo musical cu hopi dedicacion y perseverancia e hoben multi talentoso cu awe ta Musicante, Compositor y Productor a ricibi reconocimento caminda diferente oportunidad a presenta despues di su exito “Dushi Bida” na aña 2016.

Dentro di e dos añanan casi tres despues di su exito “Dushi Bida” Jeon a ricibi diferente oportunidad pa biaha y habri  presentacionan/conciertonan di artistanan international manera Chris Brown, Don Omar, J. Balvin, Romeo Santos, Juan Luis Guerra, Gente de Zona y Zion y Lennox.

Tur cos a cambia na momento cu Jeon a conoce J.Balvin den un Gym na New York caminda J.Balvin a skucha un cancion original di Jeon na Papiamento “Machika” y a guste asina tanto cu na Final nan a graba hunto un version nobo na Spaño conhuntamente cu e famoso cantante Brazilera Anitta.

E cancion a wordo lansa 18 di Januari 2018 riba Youtube caminda den e videoclip Jeon no solamente a canta na Papiamento, un idioma cu internacionalmente pa hopi ta desconoci pero na Final di e cancion a menciona “Aruba Corsow y Boneiro ONE LOVE” e orguyo cu Aruba a expresa tabata na tur skina riba nos Tera. Awe Machika tin miyones di views riba youtube.

E aña aki nos yui di Tera a biaha na e Tour Internacional di J.Balvin y Annita y asina mes tabata bin bishita su famia na Aruba y crea su musica keto bai, esaki ta inclui e exito cu a trese un sensacion mundial cu Jeon a produci  “X” canta por medio di Nicky Jam y J.Balvin cu awe tin biyon di views tambe riba youtube.

Awe Aruba ta di fiesta!

Nos Artista Arubiano ta actualmente na Las Vegas pa e di 19 Latin Grammy Awards caminda E Album Vibras di J. Balvin (J.Balvin ta e Artista cu mas nominacion e aña aki) y “X” ta den e lista di nominacion. Y nos Artista Jeon pa Aruba henter ja caba cu un Grammy of sin un Grammy ta un GANADOR!.

Pa e logro como un hoben cu a lanta di chiquito den musica a crese pa awe mas grandi cu e la bira den e mundo musical ta keda humilde y ta orguyoso pa lanta su cara y bisa e trabou duru aki ta bai pa su famia y pa Aruba henter ta di admira.

Nos tin cu balora loke ta di nos y duna aprecio na e esfuerso di cada talento cu riba nos isla ta lucha pa yega na dje.

JEON nos ta orguyoso dibo Pabien! Aruba Pabien!

E evento lo pasa na univision awenochi pa 8or

 

Spread the love
  • 1K
    Shares

Leave a Reply

  • (not be published)