Aruba Bank a siña studiantenan Conoce e diferencia entre spaar y haci prestamo

Posted on June 06, 2019, 7:05 pm
31 secs

ORANJESTAD, Aruba

Aruba Bank a bishita Colegio San Antonio pa un presentacion importante na studiantenan. Representantenan di Aruba Bank, Soangela Wever y Elston Figaroa, a haci un presentacion di e diferencia entre spaar y di haci prestamo.

Studiantenan di 3er aña di Colegio San Antonio tabata hopi interesa pa siña mas di e topico pa asina incorpora esaki den nan bida pa asina nan por cuminsa spaar trempan y traha metanan pa futuro.

Dor di spaar e persona tin forsa financiero si presenta cualkier iregularidad of un gasto inespera. Como instituto financiero, ta tene cuenta cu clientenan cu ta spaar pasobra e ta demostra un cierto disciplina cu tur banco ta busca den nan clientenan. Den cierto forma, siendo un “spaardo” ta un bon rekisito pa ta un ”fiado”. E chens cu e fiado lo cumpli cu locual el a fia ta mas grandi si e tin un bon “back up”.

Aruba Bank a gradici directiva di Colegio San Antonio p’e oportunidad ricibi di haci un presentacion asina importante na e studiantenan. Tambe a gradici cada studiante pa nan feedback.


   

Spread the love

Leave a Reply

  • (not be published)