Aruba ban marcha y mustra cu nos ta contra di abuso di mucha

Posted on May 05, 2019, 8:37 am
2 mins

ORANJESTAD, Aruba 

Den pasado tabatatin grito pero no a wordo scucha. Abuso di mucha ta un situacion cu ningun hende por acepta. Abuso bo por intreperte den diferente manera. Hopi hende cu ta cana den nos comunidad  cu ta haci e tipo di actonan asina aki ta manipuladornan grandi. Yuri Bracho un mama cu a lucha pa su yiunan y cu tambe a pasa den un situacion similar ta kere cu nos tur mester para  fuerte  , mamanan mester sali afo pa nan yiunan , organisacionnan mester actua  y tuma cada caso na serio. Sinembargo abuso di mucha no ta un problema cu nos tin awo tin un stapel  grandi na jeugd en zeden politie cu no ta keda atende cu e velosidad cu nan mester keda atende debi cu no tabatin suficiente polis y tampoco e mandatario di e tempo ey a percura pa esaki funciona optimalmente. Sinembargo hopi tempo a pasa y awe Aruba ta sinta cu un problema mas grandi dor di e negligencia na momento cu varios protesta tabatatin den pasado pa asina trece un solucion. Awe  E Arubiano por a combersa cu señora Yury Bracho y a dicidi di oraganisa un protesta y sali na vancuardia di tur nos muchanan y su yiunan tambe. E mama preocupa ta haci un invitacion na comunidad y fundacionnan pa ta presente na e manifestacion aki  dia 17 di Mei for di 4 or di atardi ta reuni na linjar park y hunto ta marcha pa bestuurskantoor.

                   

Spread the love

Leave a Reply

  • (not be published)