Anochi Ku Luna Yen Den Stashi Na Kunuku Di Chechi I Felicia Koffie

Posted on May 14, 2019, 12:05 pm
2 mins

ORANJESTAD, Aruba 

KRALENDIJK, Bonaire

Historia di nos kultura su naturalesa

SKAL ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu.

SKAL ta keda pone énfasis ku meta prinsipal di e evento pa stimulá otro pa skirbi, deklamá, konta storia, kanta òf presentá obranan kòrtiku na papiamentu.

No neglishá bo kapasidat i bin demonstrá ku bo por. Nos ta apresiá i respetá tur obra, ku eksepshon di palabranan bulgar, polítika, problemanan personal i tur loke ku no ta kuadra ku nos aktividat.

Manera semper, ta keda liber na kada bishitante pa trese algu di boka dushi pa kompartí ku otro bishitantenan i un súplika pa tur hende bini ku nan propio stul.

Anochi ku Luna Yen ta keda un evento sosial di pueblo i pa pueblo, pues un i tur kordialmente bonbiní. 

Anochi ku Luna Yen ta na kunuku den Stashi serka rumannan Chechi i Felisia Koffie.

E fecha ta djasabra 18 di Mei 2019, na e orario di kustumber kual ta 7or pa 9or anochi.  Tema prinsipal ta; Historia di nos kultura  i  su naturalesa. 

Tin transporte grátis ku ta sali 6or atardi for di  Rincon SKAL bai den Stashi

Personanan di Playa bus ta sali di SKAL 6.30ora  direkshon den Stashi pa kunuku di Chechi i Felisia ( Icha ) Koffie.

Un súplika na tur esnan ku mester di transporte pa hasi reservashon na tempu na SKAL. 

Pa mas informashon por tuma por tuma kontakto ku kolaboradónan:

Yùfrou Yoi Helmeyer- Marsera; +599 9 516 6560

Magali Sumter;  + 599 9 565 0947

Ubaldo Anthony; + 599 717 4935

Orlando Francisca  – + 599 786 2131 òf + 599 7962131

Nochi Coffie; + 599 785 6388

SKAL + 599 717 8868

   

Spread the love

Leave a Reply

  • (not be published)