Anochi informativo tocante maneho di keho y otorgacion di permiso

Posted on March 14, 2019, 7:08 pm
44 secs

ORANJESTAD,Aruba

En conexion cu e maneho di keho cu ta obligatorio pa tur dunadonan di cuido desde 1 januari 2019 y e otorgacion di permiso na casnan di cuido, Inspectie Volksgezondheid Aruba lo organisa un anochi informativo. Durante e anochi aki, tur casnan di cuido lo haya amplio splicacion kico e maneho di keho ta encera y kico mester regla pa por haya un permiso. Pa tur casnan di cuido ta conta cu nan mester tin un maneho di keho y nan permiso cla prome cu 1 di augustus 2019.

Pa splica tocante e otorgacion di permiso, e seccionnan di Cuido di Nos Grandinan y di Higiena di Departamento di Salud Publico Aruba (DESPA) lo ta presente,como tambe representantenan di Brandweer y DTI. Nan lo duna splicacion tocante e “fast-track” pa asina tur cas di cuido por ricibi nan permiso lihe ora cu un peticion wordo entrega.

Fecha: 19 maart 2019

Orario: 7 – 9 PM

Luga:MFA Paradera


E informacion duna durante e anochi aki ta sumamente importante pa tur casnan di cuido. Pa es motibo, Inspectie ta urgi representantenan di tur cas di cuido pa ta presente durante e anochi aki. Si tin cualkier pregunta, por tuma contacto cu un di nos funcionario nan di inspeccion telefonicamente: 526 2160 of via email: [email protected]

Spread the love
  • 9
    Shares

Leave a Reply

  • (not be published)