Alan Howell Den apenas 4 luna a comberti un chollerhouse den un joya di museo di Carnaval

Posted on December 03, 2018, 12:05 pm
34 secs

ORANJESTAD, Aruba

Alan Howell, Parlamentario di partido POR ta sinti su mes hopi orguyoso y yen di positivismo pa cu e atencion y cambionan tumando lugar na San Nicolas. E ta conciente cu no tur cos por tuma lugar di biaha, pero tur hende por mira cu e parti pariba di nos isla ta hayando e atencion cu e merece.

E ultimo desaroyo ta e inauguracion di e Carnival Museum. Howell ta expresa cu e edificio aki den un tempo record di 4 luna a pasa di ta un chollerhouse (Green Hill) pa un joya di museo.

“Pueblo y nos Carnavalistanan del alma a keda sumamente contento cu e aperture di un museo cu ta unico den nos region. Awo ta ora pa nos sigui enrikese e museo aki cu nos historia di Carnaval. Tambe e ta un motibo mas pa turistanan por yega San Nicolas. Tanten tur curason ta den mesun lugar, San Nicolas lo mira cambio y lo bira un miho lugar. Un danki na gobierno y na tur cu a make it happen.Together we can make it better”, Alan Howell a declara.

 

Spread the love
  • 26
    Shares

Leave a Reply

  • (not be published)