A habri caminda na Sero Pita

Posted on March 09, 2019, 9:59 pm
53 secs

ORANJESTAD, Aruba

Un caminda cu durante di e ultimo 40 pa 50 añanan cada bes tabata ricibi ‘patch’ di asfalt te na e punto cu el a bira peligroso, awor e caminda aki na Sero Pita a keda construi completamento nobo. E proyecto aki tabatin un duracion di mas o menos 2 luna di trabou como cu a opta pa traha un duiker tambe pa soluciona e problema di awa cu tabatin. E otro skinanan/camindanan conecta tambe lo wordo drecha pa di e forma aki completa e caminda y aumenta e siguridad pa automobilistanan.

Ta siguiendo dos diferente trayecto pa locual ta nos careteranan. Mas o menos 70% di e presupuesto cu tin pa nos camindanan ta bay na drecha e calidad di bida pa personanan cu pa hopi aña ta biba den barionan cu camindanan di tera, pa cual ta asfalta esakinan, e resto di e presupuesto (cu ta 30%) ta dedica na drecha camindanan bieu y den mal estado cualnan tambe tin hopi tur rond Aruba, pa motibo cu mantencion debido no a tuma luga den pasado. Teniendo na cuenta reto di e presupuesto, ta traha a base di lista di prioridad pa cual Sero Pita tabata na alto.

Otro siman lo caba di drecha e otro caminda cu ta conecta na e caminda grandi di Sero Pita y dibiaha cuminsa prepara pa inicia cu otro trabounan.

Spread the love
  • 118
    Shares

Leave a Reply

  • (not be published)