ORANJESTAD,Aruba

Awe den oranan di atardi tabatin entrada hudicial cu a tuma luga na Olde Molen. Den cuadro di investigacion di departamento di droga di Cuerpo Policial , unidad nan special manera Atraco Team, Arrestatie Team, Mobiele Eenheid, K9 unit  y Helicopter tabata presenta na e entrada hudicial aki. Tambe Fiscal di ministerio publico tabata presente. Den e operacion aki hopi placa ta wordo poni pa combati criminalidad y cada polis presente y tambe ministerio publico  a huramenta pa eherse e trabao aki cu sinseridad bringando tur loke cu no ta corecto den nos comunidad y esaki nan mester cumpli cu ne. Cada polis cu ta eherse un di dos agenda no ta cumpliendo cu loke den prinsipio nan a para pe y huramenta pe.  Tin un investigacion andando y awe tabata e dia pa drenta y haci e entrada hudicial, sinembargo no tabata un entrada exitoso, kico por a sosode na caminda no ta conoci ainda. Sinembargo autoridadnan tin un testigo fuerte cu cosnan stranjo ta pasa unda cu e entrada hudicial a sosode. E caso aki no ta un caso chikito , pero e tin diferente partinan, un di nan ta cu den e luga ta biba personanan ilegal y e personanan aki ilegal algun ta e personanan cu a bin den e boto cu algun dia atras polisnan a encontra bashi na Matividiri. Por a compronde cu di e forma aki a drenta ilegalnan Aruba  y no ta descarta cu a drenta tambe  Arma y droga. Pesey mes a haci e entrada hudicial aki , pero a encontra cu maletanan bashi solamente.   

 

Spread the love

Leave a Reply

  • (not be published)