8 lugar a wordo controla y 2 a wordo cera Di Dos Control Di Dvg, Brandweer Y Polis Tabata Satisfecho

Posted on April 04, 2019, 11:28 pm
2 mins

ORANJESTAD, Aruba    

San Nicolaas ARUBA: Awemainta trempan a sigui e di dos control ariba supermercado y restaurant. E control tabata dirigi e biaha aki den e bario di Savaneta y San Nicolas.

KPA su mensahe di conscientisacion y control ta yegando na tur supermercado y restaurant. For di 7 lugar cu a wordo controla a cera solamente 2 negoshi. E meta ta pa cada negoshi cumpli cu e reglanan y tambe pa nan tin nan permiso na ordo.

1 supermercado, 1 panaderia y 6 restaurant a wordo controla. A controla e supermercado Huang Bo na Savaneta. Durante e control na e supermercado menciona a haya sushedad den e lugar y e hygiena no ta apto pa publico por haci compras. Salubridad Publico a duna e supermercado 24 ora pa haci esaki limpi.

E siguiente tabata Joy’s restaurant situa na San Nicolas. Durante e control DVG a encontra sushedad den e lugar y no ta apto pa hygiena. Salubridad Publico tambe a duna nan 24 ora pa haci esaki limpi.

E problema no tabata defacto grandi y nan a haya e oportunidad pa drecha esaki dentro di 24 ora  y despues por pasa un otro screening y por opera bek. A encontra puntonan cu ta importante pa sigui mantene e lugar limpi.

Cuerpo Policial Aruba kier a manda un signal fuerte cu e controlnan aki lo continua. KPA kier a yama un danki na nos partnersnan manera Salubridad Publico y Brandweer trahando den conhunto ta logrando cu e mensahe di consientisacion ta yegando na tur negoshi na San Nicolas.


Spread the love
  • 80
    Shares

Leave a Reply

  • (not be published)